Суриянинг Дума шаҳрида заҳарли газнинг қўлланиши оқибатида 70 киши ҳалок бўлди. Бу ҳақда BBC News хабар бермоқда, деб ёзади «Корреспондент.net».
Ҳалок бўлганлар сони ошиши мумкинлиги маълум қилинмоқда. Мазкур маълумотнинг расмий тасдиғи ҳозирча келиб тушмаган.
АҚШ Давлат департаменти Суриянинг Дума шаҳридаги шифохона яқинида кимёвий қурол қўлланилган ҳужум ҳақидаги хабарлардан ташвишланаётганлигини маълум қилди. Департамент вакили АҚШ Думада кимёвий қурол қўлланилгани эҳтимолини кузатиб бораётганлигини таъкидлади.
«Бир қатор гуруҳлар ва жойлардаги тиббиёт ходимларининг хабарлари камида 40 киши ҳалок бўлганлиги, юзлаб кишилар яраланганлигини тушуниш имконини беради. Кўплаб оилалар бошпаналарга яширинган, бироқ уларнинг ҳалок бўлганлиги тахмин қилинмоқда», — дейди у.
Изоҳ (0)