Германия полицияси Мюнстер шаҳридаги қаҳвахонага фургонида бостириб борган шахснинг уйини тинтув қилди. Бу ҳақда «Вести.ru» хабар бермоқда.
У 48 ёшли Йенс исмли немис бўлиб чиқди. Унинг Зауэрланд шаҳрида туғилиб-ўсгани, аввал майда жиноятлари учун бир неча бор қўлга олингани, руҳий хасталик ва жонига қасд қилишга мойиллиги бўлгани билдирилмоқда.
Йенс пешонасига ўқ узиб, ўзини ўлдирди. Жиноят қуроли бўлган машина унинг номига расмийлаштирилгани маълум бўлди. Автомобильдан ичида шубҳали буюм бўлган сумка топилди, бироқ воқеа жойига чақирилган сапёрлар портловчи модда аниқламади.
Мюнстердаги ҳодиса оқибатида 2 киши ҳалок бўлди, 20 га яқин киши жароҳат олди. Улардан 6 нафари оғир ҳолатда эканлиги айтилмоқда.
Изоҳ (0)