Кюсю оролида Япония мудофаа кучлари таркибидаги биринчи денгиз десантчилари бўлинмасини жойлаштириш маросими бўлиб ўтди, дея хабар бермоқда «Коммерсантъ».
Reuters агентлигининг ёзишича, Иккинчи жаҳон уруши якунига етганидан бери Японияда илк бор бундай турдаги ҳарбий тузилма ташкил этилди.
Нагасаки префектурасидаги Сасебо шаҳри ёнидаги ҳарбий базада бўлиб ўтган маросимда янги бўлинманинг 1,5 мингга яқин ҳарбий хизматчиси қатнашди.
«РИА Новости»нинг ёзишича, бўлинмадаги ҳарбий хизматчилар сони 2,1 мингга тенг, кейинчалик уларнинг сони 3 минггача оширилиши мумкин.
Янги бўлинма зиммасига Шарқий Хитой денгизидаги Японияга тегишли узоқ оролларни, хусусан, Сенкаку оролини ҳимоя қилиш ҳам киритилган.
Баҳсли Сенкаку оролига Хитой ҳам даъвогарлик қилади, хитойликлар бу оролни Дяоюйдао деб атайди.
Изоҳ (0)