Айни дамда Бутунжаҳон бокс сериясида иштирок этаётган Ўзбекистоннинг Uzbek Tigers жамоаси Венесуэланинг Venesuela Caciques жамоасига қарши жанг олиб бормоқда. Бугун 10 та жанг ўтказилиши белгиланган.
C1 гуруҳининг сўнгги жангида 91 кг вазнда рингга кўтарилган Uzbek Tigers аъзоси Санжар Турсуновга Venesuela Caciques жамоасидан Белло Диас рақиблик қилди. Санжар Турсунов ҳам ҳакамни 2 бор ҳисобни очишга мажбур қилди ва рақибини мағлуб этди. Ҳакамлар бир овоздан Санжарнинг ғалабасини қайд этди. Ҳисоб 3:0 (50:42, 50:44, 50:43) кўринишини олди, деб хабар беради «Оламспорт».
Бундан аввал Нодир Мирзааҳмедов, Шаҳобиддин Зоиров, Алиёр Норалиев, Исроил Мадримов ҳам ўз жангини ғалаба билан якунлаган эди.
Шу тариқа ҳисоб Uzbek Tigers фойдасига 5:0.
Олдиндаги яна 5 та жанг бор:
C2 гуруҳи
Жанглар соат 22:00 да бошланади
52 кг: Жасур Латипов — Хесус Рохас
60 кг: Шунқор Абдурасулов — Луис Кабрера
69 кг: Маҳмуд Ғоипов — Габриэль Маэстре
81 кг: Бектемир Мелиқўзиев — Налек Корбаж
+91 кг: Баҳодир Жалолов — Жордан Эрнандес