1 апрелга ўтар кечаси Уэльс маркази Кардифф шаҳридаги Principality Stadium аренасида WBA Super, IBO ва IBF камарларини бирлаштирувчи жанг ўтказилди.
Унда мазкур камарлар соҳиби Энтони Жошуа WBO камари эгаси, янги зеландиялик Жозеф Паркер (24 та ғалаба, 18 та нокаут) қарши рингга чиқди. 12 раунд давом этган жангда ҳакамлар ғалабани Энтонига тақдим этди: 119:109, 118:110, 118:110.
Эндиликда 21 жангда 21 ғалаба қайд этган (20 таси нокаут билан) Жошуа олмаган бир камар — WBC (Бутунжаҳон бокс кенгаши) камари қолди.
Ҳозирда мазкур камар америкалик Деонтей Уайлдерга тегишли.
Шунингдек, кеча россиялик боксчи Александр Поветкин англиялик рақиби Дэвид Прайсни мағлуб этди. Жангнинг 5-раундида Поветкин томонидан йўлланган кучли зарбадан сўнг Дэвид Прайс нокаутга учради. Шундай қилиб Александр профессионал боксдаги 35-жангида 34-ғалабасига эришди.
Эндилик Жошуа ҳамда Поветкин бир-бирга қарши рингга кўтарилади. Улар ўртасидаги жанг 2018 йил кузида ўтказилиш мумкин. Айни вақтда Александр Поветкин WBA Super камари учун Энтони Жошуага мажбурий даъвогар бўлиб турибди.
Изоҳ (0)