Ўзбекистон Президенти Шавкат Мирзиёев Жиззах вилоятига ташрифи давомида Фориш туманидаги сув омборининг қурилиш жараёни билан танишди. Бу ҳақда ЎзА ва Президент матбуот хизмати хабар бермоқда.
2018 йилдан бошлаб Фориш туманидаги 20 минг гектар ерни сув билан таъминлаш имконини берадиган канал ва сув омбори қурилишига киришилди.
Қайд этишларича, шу атрофдаги туманларда ҳеч нарса экилмаган кучли ер кўп. Уларга экспортбоп ва саноатбоп экинлар экиб, юқори даромад олиш мумкин.
Президентга ушбу гидроиншоотларнинг лойиҳалари ҳақида маълумот берилди.
Ҳозиргача каналнинг 10 километрга яқин қисми қурилиб, қирғоқлари бетонланган. Қолган 8 километрдан зиёд қисми 2018 йилнинг биринчи ярмида тўлиқ тугалланиши режалаштирилмоқда.
Бунинг натижасида 2019 йилнинг кузидан бошлаб Фориш туманидаги ўзлаштирилмаган майдонлар сув билан таъминланади. Сув етиб борган ерларда боғ ва узумзорлар барпо этилади.
«Хусусан, сердаромад бўлган экспортбоп ёнғоқзорлар ташкил этилади, қизил лавлаги ва бошқа озуқабоп экинлар етиштирилади», — дейилади ЎзА ахборотида.
Изоҳ (0)