Ўзбекистон Суперлигасининг 4-туридан ўрин олган дастлабки баҳсда Жиззахнинг «Сўғдиёна» жамоаси ўз уйида Суперлиганинг дастлабки 3 турида бир очко ҳам ола билмаган Навоийнинг «Қизилқум» жамоасини қабул қилди.
Учрашувнинг биринчи бўлимида ҳисоб очилмади. Иккинчи бўлим эса «Қизилқум»нинг легионери Элгужа Григалашвилига аталди. Григалашвили «Сўғдиёна» дарвозасига 3 та тўп киритиб, хет-трик муаллифига айланди. Мезбонлар эса ўйин сўнгида битта тўп киритишга муваффақ бўлди.
Элгужа Григалашвилининг биринчи голи
Элгужа Григалашвилининг иккинчи голи
Элгужа Григалашвилининг учинчи голи
Сардор Азимовнинг ягона жавоб голи
«Қизилқум» мавсумдаги илк ғалабаси билан ортда қолган 4 турдан кейин 3 очко жамғарган ҳолда 9-ўринга кўтарилди. «Сўғдиёна» эса атиги 1 очко сўнгги ўринга равона бўлди.
Суперлига
4-тур беллашуви
29 март, пайшанба
«Сўғдиёна» — «Қизилқум» 1:3
Голлар: 0:1 — 46 Элгужа Григалашвили. 1:2 — 84 Элгужа Григалашвили. 0:3 — 87 Элгужа Григалашвили. 1:3 — 89 Сардор Азимов.«Сўғдиёна»: 23. Дилшод Ҳамроев, 3. Азамат Исроилов (9. Сардор Азимов, 72), 4. Элёр Орифов, 5. Фарҳод Мираҳматов, 7. Дониёр Одилов (99. Нурилло Тўхтасинов, 46), 10. Шоҳруз Норхонов, 15. Шоҳрух Холматов, 19. Алишер Зиёвуддинов, 31. Жаҳонгир Абдумўминов, 33. Тоҳир Шамситдинов, 77. Иззатилла Абдуллаев (14. Сирож Мелиев, 79).
«Қизилқум»: 1. Эркин Жабборов, 7. Нодирхон Камолов, 10. Алишер Саноев (18. Самандар Шодмонов, 34), 11. Дониёр Усмонов (9. Ҳумоюн Абдуалимов, 79), 14. Файзулла Қамбаров, 17. Артур Геворкян, 21. Муҳсин Убайдуллаев, 23. Шерали Жўраев, 30. Элгужа Григалашвили, 44. Миржалол Қосимов, 84. Неманя Ёванович (8. Акмал Рустамов, 90+2).
Огоҳлантиришлар: Дониёр Усмонов (24), Тоҳир Шамситдинов (25), Артур Геворкян (68).
Изоҳ (0)