Жорий йилнинг 23 март куни Самарқанд вилояти Фавқулодда вазиятлар бошқармаси қутқарув хизмати «1050» телефон рақамига Самарқанд шаҳрида яшовчи Т.Х эшиги қулфланиб қолганлиги учун уни очишда ёрдам сўраб қўнғироқ қилади. Шунингдек, фуқаро Т.Х уй ичида 18 ёшли ўғли борлиги ва у жавоб бермаётганлигини, ёниқ ҳолда қолган газ плитасига чой қўйилганлигини билдиради. Бу ҳақда Фавқулодда вазиятлар вазирлиги матбуот хизмати хабар берди.
ФВБ ходимлари темир эшикни очганда хонадон ичидаги ўсмир чуқур уйқу ҳолатида эди. Газ плитасидан чиққан газ исининг бутун хонадон бўйлаб тарқалганлиги қутқарувчилардан эҳтиёткорликни талаб этди. Қутқарувчи альпинистлар табиий газ тўпланаётган хонадон ичидан ўсмирни ўз вақтида олиб чиқишга улгурди. Ҳозирда йигитнинг аҳволи қониқарли.
Изоҳ (0)