Авиаҳалокатларни тадқиқ этиш бўйича австралиялик мутахассис Питер Макмэхон тўрт йил аввал Ҳинд океанида ғойиб бўлган Boeing’ни топиш учун бир неча йил давомида NASA ва Google Maps тасвирларини ўрганди. The Sun нашрининг маълум қилишича, у самолётни топганлигини билдирган.
Макмэхоннинг сўзларига қараганда, MH370 рейсининг Boeing 777 самолёти кичикроқ Сейшель ороли Руанддан тахминан 16 километр жанубда жойлашган – бу ҳудуд қидирув операциясига киритилмаган эди.
Австралиялик тадқиқотчи ўз хулосасини транспорт ва хавфсизлик бюросига юборди, бюро суратлардаги тасвир йўқолган самолёт бўлиши мумкинлигини истисно этмади. Макмэхон у бюрога тақдим этган суратларда Boeing’нинг ўқ тешиб ўтган корпусини аниқ кўриш мумкинлигини маълум қилди.
2014 йилнинг мартида Malaysia Airlines авиакомпаниясининг Boeing 777 самолёти радарлар экранидан ғойиб бўлган эди. 2015 йилнинг январида самолёт бортидаги 227 нафар йўловчи ва 12 экипаж аъзоси ҳалок бўлган деб расман тан олинди.
Изоҳ (0)