2018 йил 13 март куни Тошкент вилояти Юқори Чирчиқ туманидаги Edem Chimgan меҳмонхонасида мижозларга турли хизматлар кўрсатиш билан бирга эркак ва аёлларга кўнгилхушлик қилиш учун шароит яратиб берилгани ҳақида маълумот келиб тушган. Тошкент вилояти ИИБ матбуот хизматининг «Дарё»га хабар беришича, ҳолатга ойдинлик киритиш мақсадида вилоят Терроризм ва экстремизмга қарши курашиш бошқармаси ҳамда патруль-пост ходимлари ўзаро ҳамкорликда тезкор тадбирлар ўтказган.
Фото: Тошкент вилояти ИИБ матбуот хизмати
Шу куни меҳмонхонанинг турли хоналаридан 6 жуфт эркак ва аёллар ўзаро айш-ишрат қилиб ўтирганлиги аниқланди. Улар орасида Қозоғистон фуқароси ҳам бор.
Қўлга олинган шахсларга нисбатан ўрнатилган тартибда қонуний чора кўриш мақсадида Юқори Чирчиқ туман ИИБ биносига олиб келиниб, суриштирув ишлари олиб борилди.
Фото: Тошкент вилояти ИИБ матбуот хизмати
Ҳолат юзасидан Юқори Чирчиқ туман ИИБ ҳузуридаги Тергов бўлими томонидан Ўзбекистон Республикаси Жиноят Кодексининг 131-моддаси 2-қисми билан жиноят иши қўзғатилди.
Изоҳ (0)