Янгиер шаҳрида яшовчи, 1994 йилда туғилган С. Олимова (исм-шариф шартли) ички ишлар идораларига мурожаат қилиб, унга ножўя таклиф билдирилаётганлигини маълум қилди. Бу ҳақда ИИВ жамоатчилик ва ОАВ билан алоқалар бошқармаси хабар берди.
С. Олимовага кўра, Сирдарё туманида яшовчи Ш.Мирвалиев ва Қозоғистон фуқароси Н.Сараева унга Остона шаҳрида фоҳишалик қилишни таклиф этган. Бу «касб» билан шуғулланиб, ойига 2000 доллар топиши мумкинлиги айтилган. Фақат фойдадан 50 фоизини уларга берса кифоя.
Кўрилган чоралар натижасида Ш.Мирвалиев ва Н.Сараева C.Олимовани «Сирдарё» чегара масканидан Қозоғистонга олиб ўтиб кетаётганда ушланди.
Изоҳ (0)