AdMe самолёт эшиги очилиб кетишидан қўрқиб унда парвоз қилишни истамайдиган одамлар учун бу борада ҳеч қандай хавотирга ўрин йўқлигини исботловчи маълумотларни тақдим этди.

Парвоз вақтида самолёт эшигини очиш мумкинми?

Аэрофоблар (учар қурилмаларда парвоз қилишдан қўрувчилар) бемалол чуқур нафас олишлари мумкин. Парвоз вақтида самолётнинг авария ҳолатларига мўлжалланган эшигини очишнинг деярли имкони йўқ, чунки ички босим ташқаридаги атмосфера босимидан бироз юқори. Шу сабабли ҳавода ҳаракатланаётган самолёт эшигини очиш учун жуда катта куч талаб этилади.

Агарда эшикни очишга муваффақ бўлишса, нима қилиш керак?

Эшик қандайдир усул билан очилган тақдирда ҳам, биринчи навбатда босим тушиб кетади. Йўловчилар қаршисига кислород ниқоблари тепадан тушади ва уни 15 сония ичида тақиш керак. Стюардессаларнинг айтганини қилмасдан, хавфсизлик камарини тақмаган йўловчилар эса ниқобни тақишга улгурмасидан, ҳаво кемасидан ташқарига учиб кетади.

Учувчилар бирор чора кўришга улгурадими?

Бу каби ҳолатларда учувчилар кислород тугаб қолгунига қадар иложи борича самолётни 3 минг метр баландликка қадар туширишлари керак. Шундагина йўловчилар бемалол нафас олиши мумкин бўлади. Агарда учувчилар зудлик билан ҳаракат қилмаса, самолёт бўлакларга ажралишни бошлайди.

Эшик очилиб кетмаслигининг яна бирор-бир кафолати борми?

Юқорида айтилганидек, парвоз вақтида самолёт эшигини бир неча киши ҳам очишга қодир эмас, шунга қарамай доимо ваҳимада юрадиган одамлар учун яна бир исбот мавжуд. Эшик ташқарисига ўрнатилган «Купер кураги» номли махсус қурилма ҳаво оқими остида оғиб, парвоз вақтида эшикнинг очилишига тўсқинлик қилади.