«Фиорентина» футбол клубининг сардори Давиде Астори вафот этди. Бу ҳақда клуб расмий сайти маълумот берди.

«Рома» Неаполда пешқадам «Наполи» дарвозасига 4 та гол урди. Бугун Милан дербиси бўлиб ўтади

31 ёшли ҳимоячи Удине меҳмонхонасида оламдан ўтган. Айни пайтда бунинг сабаблари ўрганилмоқда. Айтилишича, у уйқуга ётган ва қайтиб уйғонмаган.

Бугун — 4 март куни «Фиорентина» А сериянинг 27-тури доирасида «Удинезе»га қарши саф тортиши керак эди. Италия футбол федерацияси мазкур беллашувни қолдирди. Кейинроқ эса А сериянинг бугун бўлиб ўтиши кутилаётган барча ўйинлари бекор қилинди.

«Фиорентина» расмий сайти Италия нашрларидан ўлим тафсилотларини ёритишда футболчига бўлган ҳурматни сақлашни ҳамда оғир жудоликка учраган унинг оиласини ортиқча безовта қилмасликни сўраган.

Давиде Астори Италия миллий терма жамоаси сафида 13 та ўйин ўтказиб, 1 та гол уришнинг уддасидан чиққанди. Бунга қадар «Кальяри», «Рома» каби клублар шарафини ҳимоя қилган Астори, 2015 йил «Фиорентина» сафига келиб қўшилганди.