Буюк қомусий олим Абу Райҳон Берунийнинг «Минералогия» номи билан машҳур «Китоб ал-жамоҳир фи-маърифат ал-жавоҳир», яъни «Қимматбаҳо жавоҳирлар ҳақида билимлар китоби» тарихда илк бора ўзбек тилида нашр этилди. Бу ҳақда «Дарё» манбаси хабар бермоқда.
Китоб Ўзбекистон Қаҳрамони, техника фанлари доктори, профессор Қувондиқ Санақулов ташаббуси ҳамда масъул муҳаррирлиги остида чоп этилди ва профессор М.М.Исхоқов, А.С.Ҳасанов, тарих фанлари номзоди О.С.Ҳаитова ҳамда Р.Т.Уразова томонидан нашрга тайёрланди.
Шунингдек, китобхонга янада тушунарли бўлиши учун асарда тилга олинган тошлар, минераллар ва металлар ҳақида китоб сўнгида замонавий шарҳ берилган. Мазкур асар 2017 йилга қадар марҳум академик Азизхон Қаюмов томонидан таржима қилинган.
«Минералогия» асарида 300 дан ортиқ қимматбаҳо тошлар ва минералларнинг номлари, уларнинг кимёвий ва физик хоссаларини аниқлаш, эритиб синаш, конлардаги мавжуд деярли ҳамма қимматбаҳо тошлар ва маъданлар, уларнинг қотишмалари ҳақида илмий маълумотлар баён этилган.
Асар тахминан 1041—1045 йилларда ёзилган бўлиб, деярли 1000 йил ўтиб ўзбек тилига таржима қилиниб, дунё юзини кўрди.
Изоҳ (0)