6 ёшли Асомиддин оғир касаллик билан курашмоқда. У 2017 йилнинг 16 октябрь куни гематология ва қон қуйиш илмий-тадқиқот институтига жойлаштирилган.
Унинг ташхиси: чуқур лимфобласт лейкоз, 1-фаол даври. Онасининг сўзларига кўра, 2017 йилнинг 13-октябр куни Сурхондарё вилояти Термиз шаҳрида таҳлил топширилганида, қонда оқ қон доначалари кўп эканлиги маълум бўлган.
«Келганимизда аҳволи оғир эди. Уч марта қон қуйишди, 4 маротаба тромба қўйилди, 2 марта плазма қуйилди, кўп бора кимё терапиясини олди.
Москвага таҳлил жўнатганимизда, у ердан ҳам оқ қон жавоби келган. Ҳозир яна битта курс оламиз. Беш курсдан иборат бўлиб, бир курси икки ойни ташкил этади.
Учинчи курс тугагандан кейин яна битта катта курс бор. Икки йилгача даволаниш муолажаларини олади. Бир ойда 4 та кимётерапияси бор», — дейди онаси.
Шифокорларнинг айтишича, Асомиддин даволаниш муолажаларини, навбатдаги кимё терапияси курсларини ўз вақтида олиб турса, даволаниш имкони бор. Навбатда турган даволаниш кимётерапия курслари учун жуда катта маблағ талаб этилади. Дорилари жуда қиммат. Бундан ташқари, унинг бошқа даволаниш курслари учун яна маблағ талаб этилади.
Асомиддиннинг ота-онаси моддий томондан қийналиб қолган. Уларнинг қарзлари ҳам кўпайиб кетган. Шу сабабдан боланинг оила аъзолари барча эзгу ниятли инсонлардан имкон қадар ёрдам беришларини сўрайди.
Хайрия қилмоқчи бўлганлар учун керакли маълумотлар:
Халқ банки Тошкент вилояти филиали амалиёт бўлими рекзвизитлари:
Индекс: 100096 ИНН: 205 888 230 МФО: 0088323120000200000883100
Пластик карта орқали:(Click, Payme) Рисдавлатов Ғайратбек.
Агробанк: 8600-0417-8428-8475
Халқбанк: 8600-0604-0578-3466
Телефон рақами: +998905697603
Онаси Сабоҳат Тошқувватованинг телефон рақами: +998909734630.