АҚШнинг Де-Мойн шаҳрида эгасини талончилардан ҳимоя қилган немис овчаркасига тўрт маротаба ўқ узилди. Бу ҳақда «Известия» хабар бермоқда.
16 ёшли Хавьер Меркадога кўра, 22 февраль куни уйининг иккинчи қаватида бўлиб турганида номаълум машина келгани ва пастда ойна синганини эшитади. У шкафга беркинади ва полицияни чақиради, Рекс эса пастга югуради.
Жиноятчилар Меркадо яширинган хонага кирганда, ит яна уларга ташланди. Дарғазаб бўлган талончилар овчаркага қарата тўрт маротаба ўқ узади.
Жиноятчилар полиция машинаси товушини эшитиб, қочиб кетди. Улар ҳозиргача топилгани йўқ.
Итни оёққа турғизиш учун 10 минг доллар турадиган мураккаб операция талаб қилинди. Интернет орқали эълон қилинган хайрия тадбирида 56 минг доллар тўпланди.
Изоҳ (0)