Ҳукуматдаги ўзгаришлар, Сурхондарёда гуллаган бодом, Ўзбекистоннинг икки йилда таъмирдан чиқадиган эски масжидлари ва куннинг бошқа муҳим хабарлари

20 февралнинг эътиборга молик янгиликлари — «Дарё»нинг кечки дайжестида.

1. Азим Аҳмадхўжаев Ахборот технологиялари ва коммуникацияларини ривожлантириш вазири этиб тайинланди. Бунга қадар вазирликка раҳбарлик қилиб келган Шерзод Шерматов инновацион ривожланиш вазирининг ўринбосари этиб тайинланди.

2. «Хавфсиз шаҳар» комлексини яратиш лойиҳасига жавобгар Миродил Сангилов вазифасидан озод этилди. Ушбу лавозим Президентнинг 2017 йил 29 августдаги қарори билан жорий этилган эди.

3. Эски масжидларни 2 йил ичида таъмирлаш бўйича қарор қабул қилинди. «Муқаддас масканларни, зиёратгоҳларни, масжидлар ва қабристонларни ободонлаштириш ишларини самарали ташкил этиш тўғрисида»ги Ўзбекистон Вазирлар Маҳкамаси қарори 15 февраль куни қабул қилинган.

4. Назарбоев лотин ёзуви асосидаги янги қозоқ алифбосини тасдиқлади. Назарбоев қозоқ тили алифбосини 2025 йилгача босқичма-босқич тарзда лотин ёзувига ўтказиш ҳақидаги фармонни 2017 йил октябрида имзолаган эди.

5. Сурхондарёда бодом гуллади. Аввалроқ Қашқадарё вилоятида бодом гуллагани ҳақида хабар берилган эди. Баҳор яқин.