Тошкентда ўзаро жанжал оқибатида ака ўз укасини пичоқлаб қўйди, дея хабар бермоқда ИИВ Жамоатчилик ва оммавий ахборот воситалари билан алоқалар бошқармаси.
Ҳодиса 15 февраль куни, соат 23:30 лар атрофида, Яшнобод туманининг Фарғона йўли кўчасида жойлашган уйда содир бўлган.
1972 йилда туғилган ака ва 1976 йилда туғилган ука танишининг уйида ўзаро жанжаллашиб қолган, оқибатда ака ўз укасининг кўкрак ва бел қисмларига пичоқ билан уриб, жароҳат етказган.
«Натижада жабрланувчи касалхонага ётқизилиб, унга тиббий ёрдам кўрсатилган. Унинг акаси эса ушланган», — дейилади вазирлик ахборотида.
Изоҳ (0)