Латвия собиқ президенти Берзиньшнинг собиқ рафиқаси Даце Сейсума эри билан ажрашганидан кейин моддий жиҳатдан оғир аҳволга тушиб қолганидан нолиди, деб ёзади «ТАСС».
«Ажримдан кейин эндокринолог шифокор ойлиги билан яшаяпман. Касалхонада тўрт соат ишлашим керак, аммо аслида ҳафтада бир мартагина шундай бўлади, қолган кунлари иш вақтидан ташқари ҳам ишлайман, бунинг учун эса ҳеч ким ойлик тўламайди… Клиникадан чиқаётиб, ўзимни руҳий ва жисмоний жиҳатдан тушкун ҳис қиламан, бироқ ҳозирда бошқа йўл йўқ», — деди Сейсума.
У, шунингдек, авваллари кийим-кечак сотиб олишга ишлатган маблағни энди бир неча ой давомидагина ишлаб топаётганини айтди.
Андрис Берзиньш 2011—2015 йилларда Латвия президенти бўлган. Собиқ президент миллионер бўлиб, 30 дан ортиқ ер участкалари ва бир қатор иморатларга эгалик қилади. Сейсума билан 2001—2016 йилларда никоҳда бўлган.
Изоҳ (0)