Россиянинг Сурияда уриб туширилган Су-25 самолёти учувчиси Роман Филипов патруллаш бўйича топшириқни бажараётганди. Бу ҳақда «Коммерсант.ru» хабар бермоқда.
Нашрга кўра, майор Филипов Идлиб вилоятини патруллаш билан шуғулланган. Парвоз тўлиқ жанговар комплект билан амалга оширилган. Манёврлар нисбатан паст — 4 минг метр баландликда бажарилган.
Қайсидир аснода самолёт двигателига жангарилар томонидан учирилган ракета келиб тегади, бироқ Филипов самолётни ҳавода ушлаб туришга уринади. Кўп ўтмай бошқарув тизимида носозликлар бошланди ва вазият хатарли тус олди. Майор катапульта қилишга мажбур бўлди.
Жангарилар парашютда тушаётган ҳарбийга қарата ўт очди. Учувчи ерга қўниш ва манзили ҳақида Хмеймимдаги қидириш-қутқариш хизматига хабар беришга муваффақ бўлганди. У жангарилар билан отишмага киришди, сўнг асирликка тушмаслик учун ўзини граната билан портлатиб юборди.
Изоҳ (0)