Вашингтон Суриядаги курдларга қурол-яроғ етказишни тўхтатди. Бу ҳақда АҚШ президентининг миллий хавфсизлик бўйича ёрдамчиси Герберт Макмастер Туркия етакчиси матбуот котиби Иброҳим Қалин билан телефон орқали мулоқотида маълум қилди, деб хабар беради «РБК».
Туркия президенти маъмуриятига кўра, суҳбат 27 январга ўтар кечаси бўлиб ўтди. Макмастер АҚШ Демократик иттифоқ курд партияси (PYD) ва курд мудофаа отрядларига (YPG) қурол етказиб беришни тўхтатганини тасдиқлади.
Қалин ва Макмастер Сурия шимолида ўтказилаётган «Зайтун новдаси» ҳарбий операциясининг боришини муҳокама қилди. Қалин Анқаранинг Туркия миллий хавфсизлиги борасидаги таҳдидлардан ҳавотирини ҳисобга олиш зарурлигини қайд этди.
Изоҳ (0)