Афғонистон парламентининг депутат ва сенаторлари Кобулдаги 100 дан ортиқ кишининг умрига зомин бўлган терактдан сўнг мамлакат разведка хизматлари ва мансабдорларини кескин танқид қилди. Бу ҳақда «ТАСС» хабар бермоқда.
Депутат ва сенаторлар мамлакатда вазиятнинг ёмонлашуви хавфсизлик хизмати ходимлари учун шармандалик эканлиги ва истъэфога чиқишлари зарурлигини билдирди.
«Афсуски, мазкур ҳужум олдингиларининг давоми бўлди», — деди депутат Саид Али Козимий.
«Қачонгача халқимиз азият чекиши ва ўлиб кетавериши керак? Нега бу мансабдорлар лавозимини тарк этмайди?» — савол берди сенатор Сафиулла Ҳошимий.
Афғонистоннинг қатор собиқ ҳарбий зобитлари тергов ва разведка хизматлари, шунингдек, хавфсизлик идораларининг заифлиги мамлакат, хусусан, пойтахт Кобулдаги вазият ёмонлашувининг асосий сабаби эканлигини таъкидламоқда.
Изоҳ (0)