2017 йилда мобил алоқа абонентлари сони 1,4 миллионга ошиб, 22,8 миллион кишини ташкил этди. Бу ҳақда Ахборот технологиялари ва коммуникацияларини ривожлантириш вазирлиги сайтидаги статистик маълумотлари гувоҳлик бермоқда, деб ёзади «Газета.uz».
Республика бўйича базавий станциялар 2018 йил январида 22,2 минг донани ташкил этиб, 2017 йилнинг худди шу ойига нисбатан қарийб 4000 тага кўпайган.
Интернет фойдаланувчилари сони 2017 йилда қарийб учдан бир қисмга кўпайиб, 20 миллионлик кўрсаткичга етди.
Интернетга уланиш тезлиги 2017 йил бошига нисбатан кескин ошиб, 65,7 минг Мбит/секунддан 104 минг Мбит/секундга етди.
Провайдерлар учун ташқи интернет каналига уланиш нархлари қарийб 2,5 баробарга пасайтирилиб, ўтган йил бошидаги 76,6 доллардан 30,2 долларга туширилди.
2017 йилда оптик толали алоқа линиялари 2000 километрдан зиёдроққа узайтирилди.
Изоҳ (0)