Пханмунджом чегара пунктида 9 январь, сешанба куни Жанубий ва Шимолий Корея ўртасидаги музокараларнинг биринчи раунди бошланди. Бу ҳақда Жанубий Корея бирлашиш вазирлиги маълум қилди, дея хабар беради «ТАСС».
2015 йил декабридан бери илк бор ўтказилаётган музокараларнинг асосий мавзуси Сеул ва Пхеньян муносабатларини яхшилаш бўйича амалий қадамлар, жумладан, КХДР спортчиларининг Пхёнчхандаги қишки Олимпиададаги иштироки бўлади.
Икки давлат делегациялари таркибига 5 кишидан кирмоқда.
Жанубий Корея делегациясини бирлашиш вазири Чо Мён Гён, КХДР делегациясини Кореяни бирлаштириш қўмитаси раиси Ри Сон Гвон бошқармоқда.
Изоҳ (0)