АҚШ президенти Дональд Трампнинг ноодатий соч турмаги соч экиш муолажаларининг натижаси. Бу ҳақда, журналист Майкл Вульфнинг сўзларига асосланиб, «Корреспондент.net» хабар бермоқда.
Журналист ўз сўзларини президентнинг қизи Иванка Трампдан маълумот олгани билан асослайди. Унинг «Олов ва ғазаб: Трамп Оқ Уйи ичкаридан қараганда» деб номланган китобида шу ҳақда сўз юритади.
«Иванка ўз дўстларига бу саволнинг техник томони ҳақида тез-тез сўзлаб берарди. Соч экиш муолажасидан сўнг кал бош атрофи ва тепасидан жингалак сочлар билан ўралган. Улар ҳамма томондан марказга қараб йўналтирилиб, орқага таралган ва гел билан қотирилган», — дейди журналист.
Шунингдек, журналист Иванка отаси сочининг ғайриоддий ранги ҳақидаги ҳикояни ҳам тез-тез сўзлаб беришини маълум қилган.
Иванканинг сўзларига кўра, бунинг ҳаммасига Just for Men воситаси сабаб. У сочда қанча узоқ ушланса, шунча тўқроқ ранг юзага келади. Бироқ Трампнинг бесабрлиги туфайли унинг сочи доимо оқ-сариқ рангга киради.
Изоҳ (0)