Дубай полицияси машина ҳайдаш вақтида смартфондан фойдалангани ва эътиборсиз бошқарув учун ҳайдовчини жаримага тортди. Полициячилар тартиббузарга жарима ҳақида Instagram постидаги изоҳда хабар берган, деб ёзмоқда «Мотор».
Тартиббузарни аниқлашда бошқа ҳаракат иштирокчилари ёрдам берган. Улар ҳайдовчилардан бири доимий равишда смартфонга чалғиётганига эътибор қаратган. Ҳайдовчи машина бошқариш вақтида Instagram’да тўғридан-тўғри эфирни амалга оширган. Шундан сўнг полициячилар қийинчиликсиз уни топган ва жарима ёзган. Жарима миқдори 800 дирҳамни (217 доллар) ташкил қилган.
Дубайда автомобилни яхши бошқарганлик учун тақдирлаш тизими амал қилади. Унга кўра, яхши ҳайдовчилар полиция томонидан совғалар билан тақдирланади. 2017 йилнинг баҳорида 2000 нафар ҳайдовчи тақдирланган. Икки нафар энг яхши ҳайдовчи соф олтиндан ясалган ўйинчоқ машинани қўлга киритган.
Изоҳ (0)