Ўзбекистон вазирлигидан россиялик миллиардерга ташаккурнома, ҳақорати учун Андижон шаҳри ҳокимига 5 млн сўм жарима, Молия вазирлигидаги бўшатишлар ва куннинг бошқа муҳим хабарлари

26 декабрнинг эътиборга молик янгиликлари — «Дарё»нинг кечки дайжестида.

1. Ўзбекистон ҳукуматидаги энг ёш вазир ўринбосари бир куни бекор кетганидан хафа бўлди. У етти соат ХПК сессиясида ўтирган. Сессиянинг ўзи 11 соат давом этган. АКТ вазирлиги раҳбари 23 ёшли амалдорни қўллаб-қувватлади.

2. Ўзбекистон шаҳарларида зирҳли техника ва ҳарбийлар пайдо бўлди. Бу — фестиваль! RG-33 зирҳли транспортёри ва Oshkosh M-ATV зирҳли автомобилларининг суратларини томоша қилинг!

3. Молия вазирлиги бир кунда 50 нафар ходимнинг ишдан бўшатилганини инкор этди. Лекин учта бошқарма бошлиғи ишдан олингани аниқ. Ва бу ҳали ҳаммаси эмас.

4. Олий таълим вазирлиги Энрике Иглесиаснинг концерти учун Алишер Усмоновга миннатдорлик билдирди. «Бизга беғараз асосда тақдим этилган чипталар давлат стипендиялари соҳибларига айланган иқтидорли талабалар ҳамда ота-онасиз талабалар орасида тарқатилди».

5. Шов-шувли «Учбурчак»: «Эрим ичиб келиб, қизимни яланғоч ваннага тушишга мажбур қилади». Фарзанди тирик етим бўлишига рози мирободлик аёл ҳикояси; «Эримни овсиним билан тутиб олганман». «Ўзбекистон» телеканали хиёнатга учраган аёлларнинг сўзларини эфирга олиб чиқди.

Бонус — Коллеж директорларини ҳақоратлаган Андижон шаҳри ҳокими 5 миллион сўм жарима тўлайди. Суд шундай қарор чиқарди.