Tesla Roadster электромобили Марсга учадиган ракета ичидан ўрин олади, у оғирлик симулятори вазифасини бажаради. Бу ҳақда 22 декабрь куни SpaceX ва Tesla раҳбари ўзининг Instagram’даги саҳифасида маълум қилди, деб хабар берди «Корреспондент.net».
«Янги ракеталарнинг синов парвозларида уларнинг ичидан оғирлик симулятори сифатида бетон ёки пўлат блоклар ўрин олади. Бу эса жуда зерикарлидек, назаримда. Шу сабабли биз ноодатий нарсани учиришга қарор қилдик», — деб ёзади Илон Маск.
Маскнинг айтишича, Tesla Roadster электромобили фойдали юк бўлиб хизмат қилади, шунингдек, янада қизиқарли бўлиши учун машинада британиялик таниқли мусиқачи Дэвид Боуининг Space Oddity мусиқчаси янграйди.
Изоҳ (0)