ФҚБ ходимлари Рождествода уюштирилиши режалаштирилган терактнинг олдини олди. Бу ҳақда «Корреспондент.net» хабар бермоқда.
Полиция сайёҳлар орасида машҳур бўлган манзиллардан бири — Сан-Францисконинг шимолий қисмидаги кемалар боғлаб қўйиладиган жойда теракт содир этишни мўлжаллаган эркакни қўлга олди.
У Калифорниянинг Модесто шаҳрида яшовчи ва ИШИД тарафдори бўлган Эверитт Аарон Жеймсон эканлиги билдирилмоқда. Жеймсон автомобилни одамларга бостириб бориб, ўт очиш ва портловчи қурилмадан фойдаланишни кўзлаган.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)