Анқара АҚШнинг Қуддусни Исроил пойтахти сифатида тан олиш ҳақидаги қарорини бекор қилиш учун БМТга мурожаат этади. Бу ҳақда Туркия президенти Ражаб Тоййиб Эрдўғон маълум қилди, деб хабар беради «РИА Новости».
«Туркия аввалига БМТ Хавфсизлик кенгашига мурожаат этади. Агар кенгашга доимий аъзо давлатлардан бирон бири вето ҳуқуқидан фойдаланса, Анқара масалани Бош Ассамблея кун тартибига киритади ва Қуддус бўйича ноқонуний, адолатсиз қарор бекор қилиниши учун зарур барча нарсани амалга оширади», — ваъда қилди Эрдўғон.
Туркия президенти мамлакат Фаластинни янада кўпроқ давлатлар тан олишига эришиш учун ҳам ҳаракат қилишини билдирди.
«Бугунги кунда Фаластинни дунёнинг 137 мамлакати тан олган. Уларнинг сафи кенгайишига умид қиламиз», — деди Туркия президенти.
Изоҳ (0)