Инвестициялар бўйича давлат қўмитасида Тошкент ахборот технологиялари университетида ўқув медиа марказини яратиш лойиҳаси доирасида грант келишувини имзолаш маросими бўлиб ўтди. Бу 1News хабар бермоқда.
187,9 миллион иена (1,6 миллион доллар) миқдоридаги грант Япония ҳукуматининг беғараз ёрдам дастури бўйича Япония халқаро ҳамкорлик агентлиги (JICA) томонидан тақдим этилмоқда.
Лойиҳа доирасида ишга тушириладиган ўқув медиа марказида теле ва радиоиндустрия соҳасида илмий-тадқиқот ва илмий-ўқув лабораториялари ишга туширилиши режалаштирилган.
Лойиҳанинг амалга оширилиши «Кинотелеоператорлик» ва «Махсус ёритиш технологияси» йўналишларида мутахассислар тайёрлаш сифатини ошириш, марказда интерфаол ўқув машғулотлари, илмий ва тажриба-конструкторлик ишларини амалга ошириш га имкон беради.
Изоҳ (0)