Тошкент вилоятининг Зангиота, Чиноз, Қуйи Чирчиқ ва Янгийўл туманларида ногиронлиги бўлган шахсларга уй-жойлар топширилди. Бу ҳақда вилоят ИИБ матбуот хизмати маълум қилди.
Жумладан, Янгийўл туманида уй-жойга эҳтиёжманд, ногиронлиги бўлган Фурқат Усмонов ва унинг оиласи икки хонали хонадонга эга бўлди.
Нурафшон шаҳрида истиқомат қилувчи Шокир Ашурматов бир неча йиллар қишлоқ хўжалиги соҳасида меҳнат қилган. Ҳозирда ногиронлиги бўлган шахслар рўйхатида туради. Унинг турмуш ўртоғи, ўғли ва келини ҳам қишлоқ врачлик пунктида рўйхатда туради.
Нурафшон шаҳар ички ишлар бўлими раҳбарияти томонидан ушбу оила ҳолидан хабар олиниб, телевизор, маиший анжомлар ва озиқ-овқат маҳсулотлари топширилди.
Ўрта Чирчиқ туманида ўтказилган шундай тадбирда кам таъминланган ва ногиронлиги бўлган шахс Владимир Цойга туман ички ишлар бўлими мутасаддилари томонидан қимматбаҳо совғалар ва ногиронлик аравачаси тақдим этилди.
Изоҳ (0)