Украина президенти Пётр Порошенко янги Майдон юзага келишига йўл қўймайди, Саакашвилининг давлат раҳбари импичментини талаб қилиб Олий Радага йўл олган тарафдорлари қамал қилинади. Сиёсатшунос Александр Гусев шундай фикр билдирди, деб хабар беради «РИА Новости».
«Муаммо шундаки, Саакашвилининг тарафдорлари етарли даражада кўп. Буни улар Украина хавфсизлик хизматига моҳиятан қонун доирасида ҳаракат қилишига йўл қўймаганлари кўрсатиб турибди. Вазият издан чиқиши мумкин ва бу ҳолатда жуда кўп нарса Порошенко ўзини қандай тутишига боғлиқ. Саакашвилининг барча ҳаракатлари мамлакатда сиёсий вазиятни беқарорлаштиришга қаратилган, бу охир-оқибат Порошенко ағдарилишига олиб келиши, у импичмент ёки қуролли можаро бўлиши мумкин», — деди сиёсатшунос.
Украина бош прокурори Юрий Луценко Саакашвили Киевда ташкиллаган акциялар собиқ президент Виктор Януковичнинг қуршовидагилар томонидан молиялаштирилгани ва Украинада давлат ҳокимиятини тўнтаришга қаратилганини билдирди.
Изоҳ (0)