30 ноябрнинг эътиборга молик янгиликлари — «Дарё»нинг кечки дайжестида.
1. Президент топшириғи билан кам таъминланган оилаларга қишки мавсум учун зарур маҳсулотлар бепул тарқатилмоқда. Тошкент вилоятида амалга оширилаётган шундай ишларнинг суратлари эълон қилинди.
2. Тошкентда ЙҲХБ ходимлари томонидан бир ҳафта ичида 414 нафар пиёдага жарима солинди. Рейдлар давомида 17 617 та йўл ҳаракати қоидабузарликлари аниқланган.
3. Тошкентда «Лирика» ва «Трамадол» дори воситаларининг ноқонуний олди-сотдисига чек қўйилди. Ҳозирда мазкур ҳолатлар юзасидан текширув ҳаракатлари давом эттирилмоқда.
4. Россиялик космонавт Орол денгизининг коинотдан олинган суратини тақдим этди. Аввалроқ, Сергей Рязанский Тошкент шаҳрининг коинотдан олинган суратлари билан бўлишган эди.
5. Тунисда собиқ балиқчи Ўртаер денгизида ҳалок бўлган муҳожирлар учун қабристон қурди. 12 йил ичида у 400 кишини дафн қилди.
Изоҳ (0)