DABS энергетика компанияси яқин орада Ўзбекистоннинг Сурхондарё вилояти ва Афғонистоннинг Боғлон вилояти маъмурий маркази Пули-Хумри ўртасида янги электр узатиш линияси қурилишини бошлайди. Бу ҳақда TOLOnews агентлиги маълум қилди, дея хабар беради 1News.
Мазкур лойиҳа 14—15 ноябрь кунлари Ашхабодда бўлиб ўтган Афғонистонда иқтисодий ҳамкорлик бўйича минтақавий конференцияда икки давлат расмийлари томонидан маъқулланганди.
Экспертлар янги линия хусусий секторда электр энергияси танқислигини тўлдириб, саноат корхоналари ривожланишига кўмак беришини таъкидлади.
DABS раҳбари Омонулла Ғолибга кўра, лойиҳа Афғонистон делегациясининг Ўзбекистонга ташрифидан сўнг старт олади.
Афғонистон президенти Ашраф Ғани Ўзбекистонга бўлажак ташрифи давомида жами 14 та келишув имзоланишини маълум қилди. Улар орасида Сурхон — Пули-Хумри электр энергиясини узатиш линияси лойиҳаси ҳам бор.
Изоҳ (0)