27 ноябрь куни соат 08:40 да Риштон туманида жойлашган «Риштон босмахонаси» МЧЖ биносида газ воситаларидан фойдаланишда хавфсизлик қоидаларига риоя қилмаслик оқибатида ҳаво-газ аралашмасининг чақнаши содир бўлди, деб хабар беради ФВВ матбуот хизмати.
Ҳодиса оқибатида бир нафар фуқаро ўрта даражадаги (15%) куйиш билан жароҳат олган. Шунингдек, чақнаш тўлқини зарбаси натижасида «Риштон босмахонаси» МЧЖ биносининг яқинида жойлашган 1-сонли умумтаълим мактабининг уч нафар ўқувчиси енгил тан жароҳати олишган.
Жабрланган фуқаро туман тиббиёт бирлашмаси тез тиббий ёрдам бўлимига ётқизилган. Биринчи ёрдам кўрсатилгандан сўнг мактаб ўқувчилари уйига жўнатилган.
Содир бўлган воқеа юзасидан Риштон тумани прокуратураси, ички ишлар ва ёнғин хафвсизлиги бўлими томонидан суриштирув ишлари олиб борилмоқда.
Изоҳ (0)