АҚШ ҳукумати Суданни бешта алоҳида давлатга бўлиб ташламоқчи. Бу ҳақда Судан президенти Умар ал-Башир «РИА Новости»га берган интервьюсида айтиб ўтди.
Ал-Баширнинг сўзларига кўра, 2011 йили Жанубий Суданнинг ажралиб чиқиши АҚШ томонидан олиб борилган сиёсат оқибатидир. Судан президенти АҚШнинг араб мамлакатлари ички ишларига аралашувига қарши эканини билдирди.
«Бизда шундай маълумот бор: агар муносиб ҳимояланиш йўлини топмасак, Судан АҚШ томонидан бешта давлатчага ажратиб ташланади», — деди Умар ал-Башир. Унинг қўшимча қилишича, Судан «АҚШнинг катта босими ва фитнаси» билан юзма-юз келмоқда.
Умар ал-Баширнинг сўзларига кўра, АҚШ сўнгги вақтларда «араб дунёсини издан чиқариб юборди». Судан давлат раҳбари ўз гапи тасдиғи сифатида Афғонистон, Ироқ, Сурия ва Ямандаги вазиятни мисол келтирди.
Изоҳ (0)