Ўзбекистон Президенти Шавкат Мирзиёевнинг Корея Республикасига давлат ташрифи арафасида Сеулда заргарлик маҳсулотларини ишлаб чиқаришга ихтисослашган ўзбек-корейс қўшма корхонасини тузиш тўғрисида шартнома имзоланди. Бу ҳақда «Дарё»га Ўзбекистон Президентининг Жанубий Кореяга давлат ташрифи бўйича матбуот маркази маълум қилди.
Шартномани Ўзбекистон тарафидан «Фонон» давлат илмий ишлаб чиқариш корхонасининг бош директори ва Корея тарафидан Hwachon Plant-Gemco компанияси директори имзолади.
Янги қўшма корхонанинг бошланғич жамғармаси — 30 миллион доллар. Икки тарафнинг улуши — 15 миллион доллардан.
Изоҳ (0)