Ҳиндистоннинг шимолидаги Жамму ва Кашмир штатида ҳукумат армияси ва хавфсизлик хизматлари томонидан 80 дан ортиқ террорчи йўқ қилинди, деб хабар беради «ТАСС».
«Жанубий Кашмир ҳудудида террорчилик фаолияти билан шуғулланган гуруҳларга қарши амалга оширилган хатти-ҳаракатлар оқибатида камида 80 нафар террорчи, жумладан, уларнинг етакчилари ҳам йўқ қилинди» — деди ҳукумат армияси генерал-майори Бирендра Ражу.
«Бироқ бу ҳали террорчиларга қарши кураш якунланди, дегани эмас. Сабаби штатда 115 га яқин радикаллар, хусусан, 99 нафар маҳаллий ва 15—16 нафар чет элликлар фаол ҳаракатда», — дейди у сўзларини давом эттириб.
Унинг сўзларига кўра, нотинч ҳудуддаги вазият террорчилар сонининг камайиши билан яхшиланади.
Генерал-майор армия ва бошқа ҳарбий тизимлар штат аҳолиси тинч яшаши учун жангариларга қарши барча зарур чораларни кўришини маълум қилди.
Изоҳ (0)