Россиянинг «КамАЗ» ОАЖ ҳамда «Ўзавтосаноат» компанияси 2 ноябрь куни Ўзбекистонда юк ташишга мўлжалланган автотранспорт воситаларини ишлаб чиқаришни ўз ичига олган ҳамкорлик тўғрисидаги битимни имзолади, деб хабар берди «Газета.uz».
Ҳужжатга Ўзбекистон ва Россия бош вазирлари иштирокида «Ўзавтосаноат» бошқарув раиси Умиджон Салимов ва «КамАЗ» бош директори Сергей Когогин имзо чекди.
«КамАЗ» маркасидаги юк ташувчи транспорт воситаларини ишлаб чиқариш UzAuto Trailer заводи қувватида ташкиллаштирилади. Бундан ташқари, истиқболда — республика ҳудудида автомобилларни йиғиш бўйича қўшма корхона яратилади.
Декабрь ойининг охирига қадар «КамАЗ» автомобилларини йиғиш учун дастлабки 100 та йиғиш ускунлар тўпламини етказиб бериш режалаштирилган.
Машиналар Ўзбекистон ички бозорида сотилади ва экспорт бозорларига қўшма дистрибьютор-ташкилотлар ҳамда унинг дилерлик тармоғи орқали етказиб берилади.
Бундан ташқари, ҳамкорлик келишуви доирасида Ўзбекистондан «КамАЗ» корхоналарига эҳтиёт қисмлар ва махсус кузовлар етказиб бериш режалаштирилган.
Изоҳ (0)