АПЛда таъқибчиларини ортда қолдираётган Манчестер шаҳрининг икки жамоаси Европа Чемпионлар Лигасида 100 фоизлик натижа қайд этишда давом этди.
Моуриньо ва «Юнайтед» Чемпионлар Лигаси гуруҳ босқичида муддатидан аввал пешқадам бўлиб улгурди
Бир кун аввал «Юнайтед» ўз майдонида «Бенфика»ни таслим қилган бўлса, энди «Сити» Неаполда «Наполи» дарвозасига 4 та гол урди. Мезбонлар Гвардиола жамоасига қарши таҳминан 1 соат давомида тенг кураш олиб борди. Қолганига эса АПЛ етакчиси А серия етакчисига имконият қолдирмади.Томонларнинг Etihad аренасида кечган дастлабки ўйинида «шаҳарликлар» 2:1 ҳисобида устун келганди. «Наполи» бунга қадар «Шахтёр»дан ҳам енгилгани инобатга олинса, Сарри шогирдларининг плей-оффга йўл олиши масаласи сўроқ остида турибди.
Украина етакчиси эса Голландиядаги ғалабани юриши давом эттириб, «Фейеноорд»ни бу сафар 2 та гол фарқи билан таслим қилишга эришди. Ушбу клуб учун ҳал қилувчи беллашув 21 ноябрь куни «Сан Паоло» стадионида «Наполи»га қарши ўтади.
Европа Чемпионлар Лигаси «F» гуруҳи. 4-тур ўйинлари 1 ноябрь, чоршанба
«Наполи» — «Манчестер Сити» 2:4
Голлар: Лоренцо Инсинье, 21 (1:0). Николас Отаменди, 34 (1:1). Жон Стоунз, 48 (1:2). Жоржиньо, 62-пен (2:2). Серхио Агуэро, 69 (2:3). Раҳим Стерлинг, 92+ (2:4).«Шахтёр» — «Фейеноорд» 3:1
Голлар: Николай Йоргенсен, 12 (0:1). Факундо Феррейра, 14 (1:1). Марлос, 17 (2:1). Марлос, 68 (3:1).
Изоҳ (0)