Испания Ла Лигасининг 10-туридаги мағлубият «Реал» учун принципиал аҳамият касб этди. Каталония Испаниядан мустақилликка эришиш учун жавлон ураётган бир пайтда, унинг шимолий қисмида жойлашган Жирона клуби «Қироллик клуби»ни таслим этганди.
Испаниянинг амалдаги чемпиони «Реал» Ла Лига дебютанти «Жирона»га имкониятни бой берди
Вазиятни ўнглаш мумкинлигини биламиз. Вақти келиб «Реал»да ёрқин кунлар бўлади, рақиблари эса очко йўқотади. Эртами, кечми, ҳолат ўзгаради. Ҳозир мени ҳеч нарса хавотирга солаётгани йўқ.«Реал»нинг Чемпионлар Лигаси ва Ла Лигадаги ўйинларида фарқ кўрмаяпман. Чунки жамоа ички чемпионатда дангасалик қилмоқда, деган фикрга қўшила олмайман. Биз кундан-кунга олдинга қадам босиш учун ҳаракатдамиз. Футболчилардаги иштиёқ ва ўйинга бўлган эътибор ўзгармаган.
Зинедин Зидан, «Реал» бош мураббийи
Мадрид етакчиси таслим қилинганидан сўнг, «Жирона» футболчиси Кристиан Стуани болаликдаги кумири Зидан билан расмга тушишга муваффақ бўлди. «Мен учун афсонага айланган Зидан билан суратга тушганимдан хурсандман. Мен ундан бир умрга миннатдорман», — деб твит ёзиб қолдирди Стуани. Ваҳоланки, у 54-дақиқада айнан Зидан бошқараётган жамоа дарвозасига гол уришга муваффақ бўлганди.
Hoy me di el gusto de sacarme esta foto con mi Ídolo desde niño!!!
— Cristhian Stuani (@CristhianStuani) October 29, 2017
Las cosas que el fútbol me ha dado no tiene precio. Gracias Zidane pic.twitter.com/Gth68XgRTX
Бироз ўтиб, Стуани навбатдаги твитини «дунёга келтирди»: «Тарихий ғалаба. Агар ўз кучингга ва имкониятларингга ишонсанг, футболда ҳамма нарса қилиш мумкин. Бу жуда ажойиб».
Triunfo histórico 💪💪
— Cristhian Stuani (@CristhianStuani) October 29, 2017
En el fútbol todo el posible si se cree y se desea con toda la fuerza
Que Grande @GironaFC 🔴⚪️
Golazo ⚽️ pic.twitter.com/xmk2HDx0ww
Кейинроқ «Жирона» дарвозасига гол урган Иско «тилга кирди».
Биз ҳисобда олдинда бора туриб, якунда мағлуб бўлган ғалати бир ўйин бўлди. 2-таймнинг маълум бир вақтида биз ўйиндан четга чиқиб қолгандик. Рақиб эса айнан ўша вақтда 2 та гол урди. Вазиятни ўнглашга ҳаракат қилдик, бироқ иложи бўлмади. Биз режалаштирмаганимиз ҳолда очко йўқотдик.«Реал»дан ҳисобдан чиқариш ярамайди. Олдинда жуда узун мавсум турибди.
Иско, «Реал» футболчиси
Испания ва Каталония ўртасидаги низолар вақтида «Қироллик клуби»нинг таслим этилиши, мустақиллик илинжида бўлган томон учун жуда қувончли бўлди. Ҳатто, Каталония раҳбари Карлес Пучдемон ҳам сўз олди.
Жирона ҳимоячиси бўлган Муқаддас Наркис кунида «Реал»нинг таслим этилгани, ғалабанинг буюклигидан далолат беради. Клубни табриклайман, биз шу руҳда давом этамиз. «Жирона»нинг бу юриши ҳамма учун ўрнак бўлиши керак.Мана шу вақтда Криштиану Роналдуга дисквалификация хавф солаётганини қайд этиш керак. «Жирона» ҳимоячиси Пере Понснинг юзини қўли билан туртган португалиялик футболчининг иши яқин кунларда кўриб чиқилади.
Así fue la agresión de Cristiano Ronaldo a Pere Pons que quedó impune en el Girona-Real Madrid https://t.co/rjhIbAiuzl pic.twitter.com/NjpL8pQEgC
— EcoDiario.es (@elecodiario) October 29, 2017
Каземиронинг фикрларидан ҳақиқий эркаклик иси келиб турибди. У оддий бир вазиятларга эътироз билдиришни эмас, рақибни табриклаш кераклигини уқтирди.
Биз ҳозир белгилаб олинган мақсаддан анча узоқдамиз. Шунга қарамай, совуққонликни сақлашимиз ва жиддий меҳнат қилишда давом этишимиз керак. Бугун «Реал» яхши футбол кўрсатмади, биз кўплаб ҳужумларга эга бўлмадик.Рақибнинг голи офсайддан урилгани масаласини чуқурлаштириб, баҳона излаш шарт эмас. Ахир, одатдаги каби голли вазиятлар содир эта олмадик. Шунчаки, ажойиб ўйин кўрсатган «Жирона»ни табриклаш керак.
Каземиро, «Реал» аъзоси
Изоҳ (0)