Собиқ Совет Иттифоқи даврида учирилган икки сунъий йўлдош — «Молния-1-44» ва «Космос-1461» Ер атмосферасида ёниб кетди. Бу ҳақда АҚШнинг коинот қурилмалари парвозини кузатувчи онлайн-сервиси маълум қилди, дея хабар беради «РИА Новости».
«Молния-1-44» Зимбабве ҳудудида парчаланиб кетган. «Космос-1461» радиоэлектрон разведка сунъий йўлдошининг ёниб битмаган бўлаклари Антарктика қирғоқлари яқинида — Жанубий океанга қулади.
«Молния» сунъий йўлдошлари катта туркумда чиқарилган бўлиб, шу сабабли орбитадан чиқиб кетиши тез-тез кузатилади.
Россия космонавтика академияси академиги Александр Железняковнинг сўзларига кўра, бу сунъий йўлдошлар одатда атмосферада буткул йўқ бўлиб кетади, ергача оғирлиги 500 граммгача бўлган бўлаклар етиб келиши мумкин.
Изоҳ (0)