Ўзбекистон Президенти Шавкат Мирзиёев 18 октябрь куни Маданият вазирлигининг моддий-техник базасини мустаҳкамлашга қаратилган қарорни имзолади. Қарор матни Президент расмий сайтида эълон қилинган.
Қарорга мувофиқ, Тошкент шаҳри, Тарас Шевченко кўчаси, 1-уй манзилида жойлашган ва иншоотлар тегишли ҳудуди билан биргаликда оператив бошқариш ҳуқуқи асосида Маданият вазирлигига бепул берилади.
Қайд этилишича, мазкур ҳужжат «Маданият вазирлигининг моддий-техник базасини мустаҳкамлаш, унинг самарали фаолият кўрсатишини таъминлаш, маданият ва санъат соҳаси вакиллари учун ҳар томонлама қулай шароит яратиш мақсадида» қабул қилинган.
Бу бинода ўз вақтида Ўзбекистон Ташқи савдо вазирлиги жойлашган эди. Сўнгги вақтларда бино ва иншоотлар «Асакабанк» ихтиёрида бўлган.
Маълумот учун, Маданият вазирлиги берилган тарихий бино 1898 йилда архитекторлар Гейнцелман ва Максимов лойиҳалари асосида бунёд этилган бўлиб, у архитектура ёдгорлиги ҳисобланади.
Мавзуга доир: 2017 йил, август. Ташқи савдо вазирлигининг биноси Маданият вазирлигига берилади
Изоҳ (0)