АҚШ коалицияси ИШИД жангарилари Раккадан чиқиб кетишига рухсат берди

АҚШ бошчилигидаги халқаро коалиция штаби ИШИД жангарилари Суриянинг Ракка шаҳрини тарк этиши мумкинлигини билдирди. Бу ҳақда «РИА Новости» хабар бермоқда.

Айтилишича, қабила оқсоқоллари коалицияга ҳамда «Сурия демократик кучлари» гуруҳи раҳбариятига мурожаат этиб, Раккада жангарилар эвакуациясини ўтказишга, шу билан яна қон тўкилишининг олдини олишга рухсат беришни сўраган.

Улар эвакуация жангарилар тирик қалқон сифатида фойдаланадиган тинч фуқароларнинг жонини сақлаб қолиш имконини беришини таъкидлаб ўтди.

AP’га кўра, ўтган ҳафта шаҳарда 4 минг тинч фуқаро турган эди.

ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.