Siemens компаниясининг Россия ва Марказий Осиё бўйича президенти Дитрих Мёллер бошчилигидаги делегация Ўзбекистонга келди, деб хабар берди «Telegraf.uz».
Ўзбекистон Республикаси бош вазири Абдулла Арипов делегация аъзоларини қабул қилди. Учрашув давомида энергетика, ишлаб чиқариш ва бошқа соҳалар бўйича лойиҳалар муҳокамаси бўлиб ўтди.
Шунингдек, Siemens делегацияси ва «Ўзбекнефтегаз» МХК бошқаруви раиси Улуғбек Саидов ўртасида ҳам учрашув бўлиб ўтган. Музокаралар мобайнида технологик ҳамкорлик режаси ва Қашқадарё вилоятида синтетик суюқ ёқилғи ишлаб чиқариш заводининг қурилиши каби масалалар муҳокама қилинди.
«Ўзбекистон темир йўллари» АЖ раҳбарияти билан учрашув пайтида эса темир йўлларни, шунингдек, «Чуқурсой» бекатини автоматизациялаш лойиҳасининг муҳокамаси бўлиб ўтди.
Изоҳ (0)