«Дўстлар» турар-жой мажмуаси: энг яхши дўстлар учун қулайлик ва сифат

Фантастик асарлар ёзувчи адиблар 21-асрни инновациялар, кўз кўриб, қулоқ эшитмаган ихтиролар ва мўъжизавий кашфиётлар даври деб тасаввур қилган. Учар машиналар ҳозирча шунчаки орзу бўлиб қолаётган бўлса, ультразамонавий уй-жойлар аллақачон ихтиёримизга ҳавола қилинган. Энди Тошкентда ҳам «келажак уйи»дан хонадон сотиб олиш мумкин. Ушбу «Дўстлар» турар-жой мажмуаси — пойтахтимиздаги энг ноодатий ва шу билан бирга, энг қулай турар-жой мажмуаларидан бири.

Дизайн

Мажмуага назар ташлаганда хаёлга келадиган биринчи фикр: «Эҳтимол, Марсдаги ерликларнинг турар-жойи айнан шундай кўринишга эга бўлган бўларди». 48 та хонадондан иборат саккиз қаватли бино ўз шаклининг бурролиги ва ихчамлиги билан ҳайратда қолдиради. Ҳар бир қаватдаги кўкаламзорлик элементлари мафтункор шаҳар манзарасига қараган кенг деразалар билан контраст ҳосил қилиб, ноодатий ва янгича кўриниш касб этади.

Жойлашув

Мажмуанинг жойлашган ўрни худди унинг дизайни каби олдиндан пухта ўйланган. «Дўстлар» турар-жой мажмуаси Юнусобод туманининг М5 массивида жойлашган. Ансамбль ривожланган инфратузилмали туман марказида (болалар муассасалари, дўконлар, бозорлар), транспорт тугунлари яқинида жойлашган, бу шаҳарнинг ҳар қандай нуқтасига осонлик билан етиб олиш имконини беради. Шу билан бирга, дарахтлар билан ўралган «Дўстлар» турар-жой мажмуаси серҳаракат катта йўллар шовқинидан узоқда бўлиб, шаҳар югур-югуридан ўзини панага олиш мумкин бўлган ўзига хос воҳадир.

Қулайлик

Турар-жой мажмуасида истиқомат қилувчиларнинг қулайлиги учун ҳамма нарса назарда тутилган. Томда қишки ва ёзги айвонлар, болалар майдончаси, шунингдек, барбекю учун жой ва кичик чойхона қурилган. Уй ҳовлисида ҳам болалар майдончаси ва катталар учун дам олиш ҳудуди ташкил қилинган.

Сифат

Унинг ўзига хослиги серғовак тузилмада бўлиб, у ҳавони ўтказади ва шу тариқа, ҳарорат ўзгаришларини юмшатади. Германияда махсус ясалган деразалар сифатини, Европа материалларидан ясалган фасад безагини алоҳида таъкидлаш лозим. Ҳар битта деталь Сизнинг бўлғуси уйингизнинг бир бўлагига айланишидан аввал саралашнинг кўплаб босқичларидан ўтади.

Хавфсизлик

Murad Buildings жамоасининг барча объектлари каби, «Дўстлар» мажмуаси ҳам ёнғин сигнализацияси ва пухта ўйланган хавфсизлик тизими билан жиҳозланади: мажмуанинг тўсиқ билан ўралган ҳудуди кеча-ю кундуз қўриқлов тизими кузатуви остида бўлади.

Қулай жойлашув ва инновацион дизайн, кенг хоналар ва шаҳар манзараси, сифатли материаллар ва ҳордиқ учун шинам майдончалар — буларнинг барчаси «Дўстлар» турар-жой мажмуасини Сиз ўз яқинларингиз билан кўплаб бахтиёр онларни бирга баҳам кўришингиз мумкин бўлган энг қулай мажмуалардан бирига айлантиради.

Реклама ҳуқуқи асосида