1874 йил 9 октябрь куни Швейцария пойтахти Берн шаҳрида Бутунжаҳон почта иттифоқи (БПИ) ташкил топган ва ҳар йили ушбу санада Бутунжаҳон почта куни нишонланади, деб хабар беради «Ўзбекистон почтаси» АЖ.
9 октябрни Бутунжаҳон почта куни деб эълон қилиш ҳақида 1969 йили Токио шаҳрида бўлиб ўтган Бутунжаҳон почта иттифоқининг навбатдаги Конгрессида расман қарор қабул қилинган.
Бутунжаҳон почта кунининг асосий мақсадларидан бири почта соҳасини давлатлар ижтимоий-иқтисодий ривожланишига қўшаётган ҳиссасини татбиқ этишдир. БПИга аъзо-давлатлар томонидан миллий почта хизмати фаолиятига оид тадбирлар дастурлари қабул қилиниб оммавий ахборот воситалари орқали ёритиб ўз аҳолисини таништиришга ҳаракат қилади.
1994 йили Ўзбекистон Республикаси Бутунжаҳон почта иттифоқига тўла ҳуқуқли аъзо давлат сифатида қабул қилиниб, бугунги кунда дунёнинг деярли барча давлатлари билан халқаро почта алмашинувларини амалга ошириб келади.
Изоҳ (0)