Тошкент шаҳрида жойлашган ишлатилган буюмлар савдосига ихтисослаштирилган «Янгиобод» бозори икки ойлик муддат давомида Бектемир туманига кўчирилади. Бу ҳақда Uz24 хабар бермоқда.
Бозор майдонида «Яшнобод» инновация технопаркининг ишлаб чиқариш майдони барпо этилади. Бу Вазирлар Маҳкамасининг 2 сентябрдаги Яшнобод туманини комплекс ривожлантириш бўйича чора-тадбирлар тўғрисидаги қарорида кўзда тутилган.
7,5 гектарлик майдонда маҳаллий ва халқаро мутахассисларнинг инновацион лойиҳа бўла оладиган илмий ишланмаларининг ишлаб чиқарилишини йўлга қўйиш мақсадида технопарк резидентларига ер ажратиш мўлжалланмоқда.
Ҳозирги кунда «Яшнобод» инновация технопарки дирексиясининг фаолияти ташкил қилинган ва резидентлик мақомини олиш учун аризалар қабул қилиш йўлга қўйилган. Технопарк резиденти мақомига эга бўлган юридик ва жисмоний шахслар бир қанча имтиёзларга, шу жумладан, ўн йил муддатгача солиқлардан озод бўлиш, 7 фоиз ставка бўйича икки йиллик имтиёзли давр билан кредит олиш ва технопарк ҳудудида ишлаб чиқариш майдонларига эга бўлиши мумкин.
Изоҳ (0)