АҚШ президенти Дональд Трамп КХДР етакчиси Ким Чен Ин ўз хатти-ҳаракатлари билан «ўз жонига қасд қилаётганини» айтди. Бу ҳақда «Газета.ru» хабар бермоқда.
Бу баёнотни Трамп Нью-Йоркда ўтаётган БМТ Бош Ассамблеясининг умумсиёсий дебатлари чоғида берди.
«АҚШ буюк қудрат ва сабр-тоқатга эга. Лекин агар иттифоқчиларимизни ҳимоя қилишга тўғри келса, Шимолий Кореяни бутунлай йўқ қилишдан бошқа вариантимиз қолмайди», — қайд қилиб ўтди Оқ Уй раҳбари.
Чиқиши чоғида Трамп Ким Чен Иннинг исмини тилга олмай, уни яна бир бор «ракета одам» деб атади.
«Ракета одам ўз жонига ва ўз режимига қасд қилиш йўлидан бормоқда», — деди у.
Изоҳ (0)